SALAPIA quae SALAPIAE

SALAPIA, quae SALAPIAE Ptol. Salpia Dionys. Halicarn.

urbs Apudliae Dauniae eversa, ad lacum, media fere inter Sipontum ad Occidentem et Barolum ad Ortum, ubi Annibal, post Cannensem victoriam, amori meretricio operam dedit, Ferrar. In limite Apuliae Peucetiae, ad ostia Aufidi fluv. nunc in Provinc. Capitanata, prope oram maris Adriatici 18. milliar. a Barulo in Occasum, 20. a Siponto in Meridiem. In vicum redacta est, paucisque constat incolis, Baudrand. Hinc Salapina palus, super qua Salapia urbs. Lacan. l. 5. v. 377.

Quas recipit Salapina palus, et subdita Sipus

Montibus. ------ ------

Nunc Lago di Andoria: ad quatuor milliar. versus oram maris Adriatici extensa.